Pərdənin uzunluğu otağın görünüşünü ən çox dəyişən ölçüdür. Çox qısa pərdə tavanı alçaq göstərir, çox uzun pərdə isə yerdə yığılıb səliqəsiz görünür və toz toplayır. Düzgün ölçü almaq üçün bir neçə sadə qayda var.
Əvvəlcə korniz və ya çubuğun yerini müəyyən edin
Pərdənin uzunluğu çubuğun və ya kornizin asıldığı yerdən ölçülür, pəncərədən yox. Çubuğu pəncərə çərçivəsindən 10-15 sm yuxarı, tavana yaxın asmaq otağı hündür göstərir. Pəncərənin hər iki yanına 15-20 sm əlavə etmək pərdə açılanda işığın kəsilməsinin qarşısını alır.
Üç əsas uzunluq
Yerə qədər
Ən çox seçilən və ən təmiz görünən variantdır. Pərdə yerə toxunmamalı, döşəmədən 1-2 sm yuxarıda bitməlidir. Süpürgə və ya robot tozsoran sərbəst işləyə bilər.
Yerə toxunan
Daha dəbdəbəli və klassik görünür, ağır parçalarda (məxmər, qalın tül) yaraşır. Pərdəni hər dəfə açıb-bağlayanda yerdə sürünəcəyini nəzərə alın.
Pəncərə altına qədər
Mətbəxdə, vanna otağında və pəncərənin altında batareya və ya mebel olan yerlərdə istifadə olunur. Pərdə pəncərə altından təxminən 1-2 sm aşağıda bitməlidir.
Eni necə hesablanır?
Pərdə düz çəkilmiş halda asılmır, büzmələrlə asılır. Əgər pəncərənin eni 200 sm-dirsə, pərdənin ümumi eni adətən 1,5-2 dəfə çox, yəni 300-400 sm olmalıdır. Tül üçün büzmə daha bol, qalın pərdə üçün bir az az ola bilər.
Ölçü alarkən
- Metr və ya lent ruletka istifadə edin, ölçünü bir neçə yerdən alın (döşəmə bərabər olmaya bilər).
- Pərdəni asma üsuluna görə (halqa, bağlama, gizli büzmə) uzunluğa 3-5 sm əlavə edə bilərsiniz.
- Tül və qalın pərdəni birlikdə asırsınızsa, tül qalın pərdədən bir az uzun olmasın.
Pərdə, tül və ev tekstili seçimi üçün mağazalarımıza gələ bilərsiniz: BF Home Nərimanov və digər filiallarımız. Ölçünüzü göndərsəniz, WhatsApp-da məsləhət verərik.